آؤ معدہ کو پریشان کرتے ہے

 آؤ معدہ کو پریشان کرتے ہے

Noمعدہ کی بیماریوں سے تقریباً ہر بندہ پریشان ہے، شائد کوئی اکا دکا ہوں جواس سے لاعلم ہوں، رہی سہی کسر دعوتوں اور باہر کھاناکھانے کی عادات یعنی ہوٹلنگ نے پوری کر دی، آؤٹنگ اور ہوٹلنگ کے نام پروہ وہ کھایاجاتا ہے جو شائد جاپانی چلتی نئی نکور مشینمیں ڈال دیا جائے اس کے سینے میں بھی جلن شروع ہو جائے وہ بھی مزید ایک پہیہ گھومنے سے انکار کر دے، جہاں اس کی بڑیوجہ ہماری بد احتیاطی ہے وہی اس میں برابر کے شریک لالچ و حرص میں ڈوبے، چھوٹے ڈھابے سے لیکراچھے ریسٹورنٹ والےبھی ہے۔

تقریباً سات سال مسافری کی، گھر سے باہر رہے، وہ وقت جو گھر میں گزارانا چاہئیے، گاؤں کے دوست یاروں کے ساتھ عیش کرناچاہئیےتھی، دریا کی تازہ مچھلی، گرمیوں میں بٹیر، خربوزہ اور تربوزہ، بھونی ہوئی مونگ پھلی اور چھلیاں کھانی چاہئیے تھی یہ سارا عرصہہم گاؤں میں نہیں تھے، اب جب یہ ساری چیزیں ختم ہو گئی اور گاؤں کے لوگ بھی جو کبھی سادہ دل اور مخلص ہوتے تھے ابیہاں بھی زمینوں کی سینے میں سیمنٹ اگا دیا ہے تو ہم واپس آگئے، 

بہرحال صبح کا بھولا شام کو آجائے تو اسے بھولا نہیں کہتے کچھ یہی حال ہمارا بھی ہے، گاؤں میں سچ پوچھییے تو دہی، لسی، مکھن اوردودھ کا استعمال بکثرت کیا تھا کہ شہر جا کر یہ عادت نہیں چھوٹتی اور اکثر اس چکر میں صحت اور جیب دونوں خراب ہو جاتی، بہرکیف آج بات کرتے ہیں ہوٹل میں کھانا کھانے کی،

میری طرح کا ایک پینڈو دوست ہاسٹل میں ٹکرایا، وہ مجھ سے ذرا سا ہوشیار ، چالاک اور کچھ کچھ شہری بندہ تھا، اس نےمجھے قائلکیا کہ اچھے ہوٹلوں میں باقاعدہ کوالٹی کنٹرول ٹیم ہوتی ہے جو برابر مانیٹر کر رہی ہوتی ہے کہ آیا کھانا ٹھیک ہے یا نہیں، یہاں تک کہمرچ مصالحہ، نمک، ادرک  اور پیاز کا سواد بھی چیک کیا جاتا ہے اور رہی سہی کسر ہمارے ایک استاد محترم نےنکال لی، کہتے تھے کہبڑے ہوٹل والوں نے باقاعدہ لوگ رکھے ہوتے ہیں جن کے ٹیسٹ بڈز خطرناک حد تک حساس ہوتے ہیں ہر ہانڈی ان سےتصدیق کرائی جاتی ہے کہ کیسی ہے؟ کسٹمر کے سامنے رکھنے لائق ہے یا نہیں؟ تب جا کر ریسیپی اپروو ہوتی ہے۔

جب اس بات کی تصدیق کے لئے کراچی میں ایک اعلیٰ پائے کے ریسٹورنٹ میں والد صاحب کے دوست سے کرنا چاہی تو انھوںنے کہا ملاقات پہ بتاؤں گا کیا سب کیسا ہوتا ہے،

لاک ڈاؤن کے عرصہ میں ان سے ملاقات کا شرف حاصل ہوا تو جہاں باردیگر کے بارے میں پوچھتا رہا وہاں یہ بھی پوچھا کہ اببتائیے انھوں نے جو واقعہ سنایا ان میں سے کچھ الفاظ میوٹ کرکے اور کچھ درستی کرکے آپ کو سناتا ہوں۔

“

کہتے ہیں میں سنئیر منیجر فلور ہوں، فلور کی تمام تر ذمہ داری میری ہے یہاں کیا ہو گا، کس قسم کی ڈیکوریشن ہوگی، کتنی سیٹس لگیں گی،کیسا ماحول ہو گا، کیا سپیشل ہو گا سب کچھ میری ذمہ داری ہے بس مجھے ٹارگٹ اچیو کرنا ہوتا ہے،

ایک دن ایک کسٹمر نے مجھ سے شکایت کی یہ کیسا سٹیک ہے جس میں سے مٹی کے تیل کی بو آ رہی ہے، جب میں نے خود چیک کیاتو واقعی میں ایسا ہی تھا، بہرکیف کسٹمر کو راضی کیا اور کوئی دوسری چیز آرڈر کروائی اور بل میں بھی ڈسکاؤنٹ کروایا وہ تو راضی ہو کہچلا گیا،

اب میں نے کک کو اپنے دفتر میں بلایا اور اس سے پوچھا ہاں بھئی بتاؤ یہ کیا ہے اور پلیٹ سامنے رکھ دی، وہ بھی چکھ کے ٹھٹککیا اور پھر اچانک ہی ہنستے ہوئے کہتا ہے سر یہ ایسا تھا کہ کل رات کو فرش دھوتے ہوئے کلینر سے کوئلہ گیلا ہو گیا تھا تو آگجلانے کے لئے میں نے اپنے اسسٹنٹ کو مٹی کا تیل دیا اور خود میں دوسرے کام میں مصروف ہو گیا، جب سٹیک کا آرڈر ملا تونہیں جانتا اسسٹنٹ نے کیسے آگ لگائی بہرحال جب اس کو کوئلوں پہ بھوننے کا وقت آیا تو وہ یہ سمجھا شائد اس تیل کی ٹاپنگ کرنیہو گی لہذا وہ یہی لگاتا رہا، خود میں نے نوٹ نہیں کیا اور پلیٹ کسٹمر تک آگئی،

یہ بات سن کے مجھے اپنی والدہ کی بات اکثر یاد آتی ہے کہ ہمارے ناناجی دودھ، دیسی گھی کی چوری، لسی، مکھن اور دہی کھاتےتھے، ایک ہفتہ میں تقریباً آدھا کلو تمباکو پی جاتے تھے ( اس زمانے میں چلم کا رواج ہوتا تھا) دن بھر کام کرتے تھے، صبح کھیتوںمیں نکل جاتے تو شام کو واپسی ہوتی، آخری وقت تک غلیل سے شکار کھیلتے رہے، (آج کسی کو غلیل سے پتھر مارنا نہیں آتا ہوگا بلکہشائد نئی نسل کو پتہ بھی نہ ہو غلیل نام کس بلا کا ہے)، ایک دفعہ نقاہت ہوگئی زیادہ، عمر زیادہ ہو جائے تو انسان کا وہ زور کہاں رہتاہے، ماموں ہمارے بیرون ملک ہوتے تھے تو نانا کو شفاء انٹرنیشنل ہسپتال اسلام آباد لیکر گئے چیک اپ کے دوران ڈاکٹر نے ناناسے پوچھتا رہا کیا کیا کرتے رہے ہو کیا مشاغل تھے دوران گفتگو ڈاکٹر صاحب پوچھتے ہے سب سے اچھی بات یہ ہے بابا جی آپ کاسینہ تو بلکل صاف ہے ریشہ نہیں اس عمر میں کھانسی اور ریشہ کا بہت مسئلہ ہوتا ہے، شکر ہے آپ تمباکو سے بچتے رہے کہ یہ آپکا پلس پوائنٹ ہے، نانا ہمارے مسکرائے انھوں نے وجہ پوچھی تو کہتے ہیں آجکل پڑھائی ٹھیک نہیں ہو رہی شائد، جتنا تمباکو میںنے پیا ہے شائد ہی کسی نے استعمال کیا ہو، 

بات یہ ہے کہ خوراک دیسی ہی ٹھیک ہے، ہائی جینک اور کیا کیا نام جو آج ہمیں سنائی دیتے ہیں کسٹمر کی جیب ڈھیلی کرنے کےبہانے کے سوا کچھ بھی نہیں ۔۔ 

فہیم الر حمٰن 

۳۱-اگست-۲۰۲۱