پانی سر سے گزرنا

محاورہ: پانی سر سے گزرنا

عبد اللہ چار بہنوں کا اکلوتا بھائی ہے، دادا اور دادی کی خوشیاں دیدنی تھی جب خاندان کو وارث ملنے کی نوید ملی، زبان سے نکلی ہربات عبد اللہ کی پوری ہو جاتی، بے جا پیار اور محبت نے بگاڑ پیدا کر دی، دس سال تک کی عمر ہونے کے باوجود عبداللہ کو نمازپڑھنی نہ آئی اور ہمیشہ بچہ ہے، چھوٹا ہے، کا کہہ کر اس امکان کو رد کر لیا جاتا کہ بچپن کی عادات ہی زندگی سنوارتی اور بگاڑتی ہے، 

ایسے ماحول میں شرارتی، والدین کی نافرمانی اور ضدی ہونا ایک فطری عمل بن جاتا ہے، عبد اللہ بھی اس زعم میں تھا کہ بچہ ہوںابھی، عمر کا کیا لحاظ، حال ماضی ہوتے ہوئے دیر کب لگتی ہے۔

سکول پڑھائی کا حال بدمست تھا پڑھائی کے چکر میں ہنر کی کشتی کنارے نہ لگ سکی اور والدین کی خاصی مشہور دکان سے بھی کوئیفائدہ نہ اٹھایا جا سکا، 

پتہ اس وقت چلا جب “پانی سر سے گزر گیا” اور داد ابو کے بعد والد کی وفات بھی ہو گئی، 

اب تیس سال کی عمر میں عبد اللہ کوئی نیا ہنر نہیں سیکھ سکتا تھا اور نہ ہی دلجمعی سے پڑھائی کر سکتا تھا، اس لئے کہتے ہیں “خوابوںمیں رہنے” کے بجائے دھیان سے وقت کو مفید بنانا چاہئیے۔

پیارے بچوں ! ہمیں عہد کرنا ہے کہ وقت کو قیمتی بنانا ہے تاکہ دنیا و آخرت دونوں سنور جائے۔

٭فہیم الر حمٰن٭

#محاورہ_کہانی